Një plagosje me armë zjarri ka ndodhur mbrëmjen e së enjtes në lagjen nr.4 të qytetit të Durrësit në Shqipëri.

Sipas informacioneve paraprake, mësohet se një konflikt i çastit mes dy fqinjëve, ka agravuar në përdorimin e armës së zjarrit.

Shtetasi 50-vjeçar, autor i plagosjes, qëlloi drejt fqinjit të tij, 40-vjeç, i cili është transportuar menjëherë në spital për ndihmë mjekësore.

Shërbimet e Policisë me marrjen e njoftimit kanë shkuar menjëherë në vendngjarje dhe kanë rrethuar zonën dhe vijon puna për kapjen e autorit.

Grupi hetimor nën drejtimin e Prokurorit vijon punën për zbardhjen dhe dokumentimin e rrethanave të ngjarjes.

“Dy fqinjë, njëri banonte në katin e 7, tjetri në katin e 8. Janë konfliktuar për shkak të zhurmave. Shtetasi Gentian Kuqi 50 vjec, që banonte në katin e 7, është ngjitur në katin e 8, u konfliktua me Mikel Spirollari 40 vjeç. Situata është agravuar, në përdorimin e armëve. 50-vjeçari ka qëlluar dy herë në drejtim të Spirollarit. Gjendja e tij është kritike për jetën. Forca të shumta policie kanë rrethuar zonën ku ka ndodhur ngjarja. Është një individ që njihet në qytetin e Durrësit, i afërmi i një politikani në qytetin e Durrësit”, raporton abcnews.al.